«Արահետ» պարբերականի գլխավոր խմբագիր Միքայել Միրիջանյանը ֆեյսբուքյան իր էջում գրել է․
ԱՄԵՆԱՍՏՈՐ ՀԱՏԿՈՒԹՅՈՒՆԸ՝ ԱՊԵՐԱԽՏՈՒԹՅՈՒՆ
Ապերախտությունը անբարոյականության ծայրահեղ դրսևորումն է, խիղճ ու սրբություն չունեցող մարդու բնութագրական կարգավիճակը։ Հայ ժողովուրդը այդպիսի նողկալի երևույթի հարվածների տակ անցկացրեց ողջ 2020 չարաբաստիկ թվականը, և դա շարունակվում է առ այսօր։
17+ ընդդիմություն հորջորջվող գարշելի բորենիների ոհմակը առաջին հարվածն ուղղեց առողջապահական համակարգի վրա։ Բուժաշխատողների գիշեր-ցերեկ անձնուրաց, հերոսական պայքարը՝ համաշխարհային չարիք հանդիսացող համավարակի դեմ, այդ ստահակները պիտակավորեցին որպես խայտառակ ձախողում։ Այդ ողորմելիների նպատակն էր՝ ապերախտաբար նսեմացնել առողջապահական համակարգի ինքնամոռաց նվիրումը՝ դրանով իսկ հարվածելով անձամբ Փաշինյանի և նրա ղեկավարած կառավարության հեղինակությանը։
Սակայն իշխանություններն ու բուժանձնակազմը պատվով են դիմակայում համաշխարհային ու տեղական վարակների հարձակումներին՝ կազմակերպված և ուժերի գերագույն լարումով կատարելով պահանջվող բոլոր միջոցառումները։ Ճիշտ է, ունենք կորուստներ, բայց դա անխուսափելի էր աշխարհում իր լուծումը չգտած հիմնախնդրի առկայության պայմաններում։
Հաջորդ ապերախտական հարձակումը հասցվեց հրադադարի պահից մինչ օրս ձգվող խուլիգանության և անհնազանդության մարտավարությամբ, որի պատճառը իբր ռազմական գործողությունների ժամանակ իշխանության դրսևորած ոչ համարժեք պահվածքի հետևանքով շատ զոհեր ունենալն է։ Սրանով էլ նպատակ են հետապնդում ապերախտորեն խաղալ որդեկորույս ծնողների ողբերգության վրա՝ բարբաջելով, թե անիմաստ տեղն են զոհվել, և եթե իրենք լինեին իշխանության՝ չէին զոհվի։
Սակայն իրականությունն այն է, որ մեր իշխանություններն ու բանակը պատվով են դիմակայել համաշխարհային ու տեղական թշնամիների հարձակումներին՝ կազմակերպված և ուժերի գերագույն լարումով կատարելով հնարավոր բոլոր միջոցառումները։ Ճիշտ է, ունենք շատ զոհեր, և անսահման վիշտ է պատճառում մեր սուրբ նահատակների կորուստը, բայց դա անխուսափելի էր աշխարհի հզորագույն բանակների ցեղասպանական հարձակմանը ենթարկվելու պայմաններում։
Այնպես որ, այդ 17+ սրիկաների բանդային մաղթում եմ ամենուր և ամեն օր, դրսում թե ընտանիքում, մշտապես «վայելել» ապերախտության կործանիչ ապտակներ, որ իրենց զավակներին տեսնելով՝ կսկիծով փաստեն. «հը բը կյանքս իզուր անցավ»։
21.01.2021թ.