«Մանկական Եվրատեսիլ 2021»-ի հաղթող Մալենան վիրահատության է ենթարկվել: Այս մասին երգչուհին հայտնել է ինստագրամյան էջի «սթորի» բաժնում՝ գրելով, որ ինքնազգացողությունն արդեն լավ է։
«Երկու օր առաջ անսպասելի կորցրի գիտակցությունս: Շտապօգնության մեքենայով ինձ հիվանդանոց տեղափոխեցին, եւ ես վիրահատության ենթարկվեցի, բայց հիմա արդեն լավ եմ»,- գրել է նա:
Մալենայի մայրը՝ դերասանուհի Աննա Մանուչարյանը, եւս հրապարակում է արել՝ նշելով, որ դուստրն արդեն լավ է: Նա շնորհակալություն է հայտնել բոլորին, ովքեր անհանգստացել են նրա համար։
«Անհանգստացող բոլոր մարդկանց նամակները կարդում եմ։ Մալենան լավ է արդեն, շնորհակալ ենք էդքան լավ խոսքերի համար։ Էստեղ էլ բոլորը յուրահատուկ ուշադիր են իր հանդեպ»,- գրել է Մանուչարյանը: