Medianews-ը գրում է․
Դեռևս ապրիլ ամսից փողոց դուրս եկած Արթուր Վանեցյանը հայտարարում էր, որ չի պատրաստվում տուն գնալ, մինչև չհասնի վարչապետի հրաժարականին։ Մի քանի օր անց տուն էլ գնաց, երկրից էլ գնաց … ճիշտ է, հետո վերադարձավ, բայց դե փաստ է, որ տեր չկանգնեց իր խոսքին։
Ի դեպ, նույն Վանեցյանը նաև հայտարարել էր, որ չի պատրաստվում այլևս այս խորհրդարան վերադառնալ, և եթե շարժումը տապալվի, ապա վայր կդնի իր մանդատը։
Այն, որ փողոցային ընդդիմությունը տապալել է իշխանափոխության պահանջով շարժումը, արդեն իսկ փաստ է, և թվում է Վանեցյանին այլ ելք չի մնում, բացի մանդատը վայր դնելուց։
Մեր տեղեկություններով օրերս Վանեցյանը այս թեմայով քննարկում է ունեցել Սերժ Սարգսյանի հետ, խորհուրդ է հարցրել, թե արդյոք պետք է մանդատը վայր դնել։ Ի պատասխան Վանեցյանի Սերժ Սարգսյանն ասել է․
«Այ տղա, հո դու իրոք մորքուր չես ․․․ Անշուշտ, եթե խոսք ես տվել, որ դնելու ես, ուրեմն տղամարդավարի խոսքիդ տեր կանգնի, մեկ է․․․ էդ մանդատով բան չես փոխի, բայց գոնե խոսքիդ տեր կանգնի»։