Տարոն Չախոյանը ֆեյսբուքյան իր էջում անդրադարձել է Արսեն Թորոսյանի մասին տարածվող կեղծ լուրերին
Թորոսյանի ենթադրյալ հրաժարականի, ֆեյսբուքյան էջերը փակելու ու արձակուրդ գնալու դրդապատճառների մասին ով 5 րոպե ազատ ժամանակ ուներ իր մթագնած գլխում ծագած վառ երևակայությունների ազդեցության տակ գրեց ու լցրեց կայքը: Միաժամանակ ջանք չխնայեցին ոչ միայն Թորոսյանին, այլ նաև վարչապետին ներքաշել իրենց կեղտոտ մտքերով երևակայությունների մեջ։
Կայքերն էլ իրար հերթ չտալով արտատպեցին ու սկսեցին տարածել, առանց իրենք իրենց հաշիվ տալու, թե էդ ենթանդրյալ բառերի կույտի մեջ քանի բառ էր իրականում համապատասխանում իրականությանը:
Կարևորը վայրկյան առաջ տարածելն էր, կապ չունի ինչ էր, կարևորը հակաիշխանական էր…
Թորոսյանը արձակուրդից հետո հրաժարական կտա, չի տա, կշարունակի աշխատել թե ոչ, դա ժամանակը ցույց կտա։
Բայց այն, որ փողով գրված հոդվածներով ու ստատուսներով ոմանք լրատվության հերն անիծում են, դա միանշանակ է: