Բայդենը շրջանցել է 907-րդ լրացումը, ինչին ի պատասխան Հայ դատը հանդես է եկել հայտարարությամբ։
Չնայած Հայաստանի և Արցախի դեմ Ադրբեջանի շարունակվող ագրեսիային, Բայդենը հերթական անգամ շրջանցել է «Ազատության աջակցման ակտի» 907-րդ լրացումը՝ հնարավորություն տալով ԱՄՆ-ին ռազմական աջակցություն տրամադրել Ադրբեջանի կոռումպացված ռեժիմին, հայտնում է Ամերիկայի Հայ դատի հանձնախումբը (ANCA)։
«Բայդենի որոշումը կանաչ լույս է սփռում Ադրբեջանին հատկացվող ռազմական օգնության վրա. հրաժարվելով 907-րդ հոդվածից` Ալիևին խրախուսում է շարունակել իր գործողությունները` հայ ռազմագերիների ազատությունից ապօրինի զրկել, Արցախի վրա մահաբեր հարձակումներ գործել և Հայաստանի ինքնիշխան տարածքը շարունակել բռնազավթել»,–ասել է Ամերիկայի Հայ դատի հանձնախմբի գործադիր տնօրեն Արամ Համբարյանը։
Հայ դատի հանձնախումբը կշարունակի աշխատել Սենատի և Ներկայացուցիչների պալատի ղեկավարների հետ, որպեսզի զրոյացնի Ադրբեջանին ԱՄՆ-ի կողմից տրամադրվող ռազմական օգնությունը և սահմանափակի 907-րդ հոդվածից հրաժարվելու` ԱՄՆ նախագահի լիազորությունները