ՀՀ զինված ուժերի կազմավորման 30-ամյա հոբելյանի առթիվ հունվարի 26-ին Ա. Միկոյանի անվան հ.166 հիմնական դպրոցում կազմակերպվել է հուշ-ցերեկույթ` նվիրված 44-օրյա պատերազմում հերոսացած դպրոցի շրջանավարտների անմար հիշատակին։
Միջոցառմանը ներկա են գտնվել են հերոսների հարազատները, Նոր Նորք վարչական շրջանի ղեկավար Սուրեն Ղամբարյանը, ՀՀ ՊՆ Վ. Սարգսյանի անվան ռազմական համալսարանի ղեկավարության ներկայացուցիչները,Նոր Նորքի Սուրբ Սարգիս եկեղեցու հոգևոր հովիվ Նորայր Ավագ Քահանա Բաղդասարյանը,ՀՀ ՊՆ ԶԶՀԾ Երևանի հ․3 տարածքային ստորաբաժանման ներկայացուցիչներ, և այլոք։
Միջոցառմանը հաջորդել է դպրոցի դասասենյակների անվանակոչման արարողությունը անմահ հերոսների պատվին։
Կրթօջախի ռազմագիտության դասասենյակն այսուհետ կկրի ՀՀ ՊՆ Վ. Սարգսյանի անվան ռազմական համալսարանի շրջանավարտ, Արցախի հերոս, մայոր Դավիթ Առուշանյանի անունը։
«Այսօր մեր դպրոցում հայրենապատումի յուրահատուկ դաս էր:Մեր դպրոցի հերոս — նահատակների անուններով անվանակոչվեցին այն դասասենյակները, որտեղ սովորել էին նրանք (44 օրյա պատերազմում նահատակված մեր սաները)։ Իսկ նրանք յոթն էին՝ Արցախի հերոս՝ Դավիթ ԱռուշանյանՌոբերտ ԱնանյանԳոռ ԱվետիքյանԱրեգ ՀարոյանԱրման ԱռաքելյանՀայր և որդի՝ Աշոտ և Գևորգ Սաղաթելյաններ»,-գրված է դպրոցի Ֆեյսբուքի էջում։
Միախառնված հպարտության ու մեծ կորստի ցավ… Փառք և խոնարհում մեր հերոսներին🇦🇲
Նարին Փայլալյան