Արմեն Հովհաննիսյանը նոր գրառում է կատարել։
Հիշեցում Ծառուկյանին…
Երբ Գագիկ Ծառուկյանին պատկանող հեռուստաալիքներով փորձ է արվում ներկայացնել, թե ինչ մեծ 《բարերարի》եվ մեծ բիզնեսմենի են նեղացրել ներկայիս իշխանությունները եւ իբր իշխանությունների 《ապաշնորհ》գործունեությսն հետեւանքով ինչերից է զրկվել Հայաստանի Հանրապետությունը՝ հանձինս ԲՀԿ ղեկավար Ծառուկյանի տնտեսական աջակցությունից, ապա նրան գովերգող հեռուստաալիքները պետք է, ուղղակի ետ նայեն դեպի անցյալ եւ հասկանան, արդյո՞ք Ծառուկյանը կապ չունի երկրի թշվառ տնտեսական իրավիճակի հետ.
Մեկ օրինակ, երբ մեծ հանդիսավորությամբ բացվեց Ծառուկյան Գագոյի կողմից հովանավորվող Աբովյանի Սուրբ Հովհաննես եկեղեցին, հիշու՞մ եք, թե ինչ տեղի ունեցավ այդ ժամանակ օտար պետության ու միջազգային լրատվամիջոցների աչքի առջեւ. Ազգի մի սոված հատված պարզապես վրա տվեց, այնտեղ բաժանվող մատաղին ու սեղաններին.
Այ հենց էդ ժամանակ էր, որ պիտի Գագիկ Ծառուկյանն ու տվյալ ժամանակահատվածում, ոչ բարով երկրի ղեկավարը ամոթից ինչ որ ծակ ման գային ու մտնեին մեջը, այ հենց էդ ժամանակ պիտի երեւար Գագիկ Ծառուկյան՝ երկրի մասին մտածող գործարար-բարերարի նվիրվածությունը իր պետությանն ու ազգին, ոչ թե քսակին, ինչպես սովորաբար տեսել ենք տասնամյակներ շարունակ.
Այո՛ Գագիկ Ծառուկյան, երբ երկու տարի առաջ ՀՀ քաղաքացին ոտքի կանգնեց ու մերժեց քրեաօլիգարխիկ՝ կլանային համակարգին, էդ ժամանակ քաղաքացին առաջին փուլով ազատվեց վերոնշյալից, այո՛, երկրորդ փուլով արդեն տնտեսական հեղափոխությունն ու սեփական մաշկի վրա սոցիալական բարելավման մակարդակի բարձրացումը պիտի զգա, բայց երբեք հենց էդ նույն քաղաքացին չի մտածել, որ պիտի երկու տարում երկնքից մանանա թափվի, ապրի առոք փառոք.
Այդ, դու՛ք եք մանիպուլացնում, հակահեղափոխական մյուս շրջանակներն են մանիպուլացնում, տարածում ստեր, որ քաղաքացին միանգամից էր ցանկանում սոցիալական մակարդակի բարելավում, մոռանալով, որ քաղաքացու թշվառ վիճակի համար, հենց դուք ու ձեր անցած քաղաքական մյուս կոալիցիոն գործընկերներն են առաջին պատասխանատուն.
Ի գիտություն՝ ԲՀԿ ղեկավարին, նրա շրջանակներին, նախկին բաշիբոզուկներին, լափամանից կտրված հատվածին, այո՛ ներկայումս էլ ՀՀ քաղաքացին հավատում, վստահում ու նեցուկ լինում լեգիտիմ իշխանություններին ու համբերատար սպասում՝ մեր բոլորիս կողմից երազած ՀԶՈՐ ՀԱՅԱՍՏԱՆԻ տեսլականի իրականացմանը, որի իրագործումը ոչ միայն ընթացքի մեջ է, այլեւ շռնդալից առաջ է գնում, ինչը հաստատ ձեր շահերից չի բխում.
Գագիկ Ծառուկյա՛ն, բողոքում եք, որ ձեր բազմաթիվ ծրագրեր արհեստական խոչընդոտների են հանդիպում, արդյո՞ք դուք այդքան մաքուր եք, որ միայն մեղավորներ եք փնտրում։Ինչ անեն իշխանությունները, երբ ձեր նախաձեռնած բոլոր ծրագրերում առսջնորդվել եք միայն սեփական շահով, թքած ունենալով օրենքի վրա.
Բազմաթիվ ծրագրերում հայտնաբերված խախտումները, որոնք այսօր ներկայացնում եք միայն ձեր շահի տեսանկյունից ժողովրդի մոտ, թե ժողովուրդ ջան տեսեք անում եմ խանգարում են, խոսում է այն մասին, որ դուք ձեզ միշտ օրենքից վեր եք դասել, այդ իրավիճակը փորձել եք շարունակել անգամ Նոր Օրենքի Հայաստանում.
ԲՀԿ առաջնորդ, ավելի լավ կլինի, ոչ թե միայն բողոքեք, դժգոհեք, այլ փորձեք, այսինքն մի փորձեք, շարժվեք միմիայն օրենքով. Երբ աշխատեք ոչ միայն հանուն ձեզ, այլ նաեւ հանուն երկրի ու ժողովրդի ինչպես դուք եք սիրում ասել, հավատացեք , էդ ժամանակ տեղ կունենաք, ձեզ իսկապես կսիրեն, կհարգեն.
Փակեք ձեր քաղաքական էջն ու մաքրեք ձեր կողքերը, որոնք ձեզ շատ են խանգարում.զբաղվեք ձեր սիրած գործով, եւ որպես գործարար օգուտ բերեք ազգին, այլ ոչ թե դարձեք բուֆեր նախկինների համար ներկայիս Հայաստանում.