Ավարտվեցին բռնցքամարտի Եվրոպայի առաջնության 5-րդ մրցումային օրվա մենամարտերը։ Հայտնի են կսաեզրափակիչի մասնակիցները:
Հայաստանն ունի 4 ներկայացուցիչ:
48 կգ քաշայիններից հաղթանակ են գրանցել վրացի Սախիլ Ալախվերդովին, լեհ Յակուբ Սլոմինսկին, իտալացի Լեոնարդո Էսպոսիտոն և բուլղարացի Էրգյունալ Սեբատինը։
51 կգ քաշայիններից հաղթանակ են տոնել իսպանացի Մարտին Մոլինա Սալվադորը, ուկրաինացի Դմիտրո Զամոտաևը, անգլիացի Կիրան Մաքդոնալդը և իտալացի Ֆեդերիկո Էմիլիո Սերան։
54 կգ քաշային կարգում հաղթանակ են գրանցել Բիլալ Բեննաման Ֆրանսիայից, Մանուել Ֆաբրիցիո Կապային Իտալիայից, Դանիել Պանեվ Ասենովը Բուլղարիայից և Դիլան Ջեյմս Իգլսոնը Իռլանդիայից։
60 կգ քաշային կարգում հաղթանակածներն են ուկրաինացի Յուրի Շեստակը, իսպանացի Խոսե Քիլես Բրոտոնսը, հունգարացի Ռոլանդ Վերեսը և մեր հայրենակից Արտյուշ Գոմցյանը` Վրաստանի դրոշի ներքո։
63.5 կգ քաշային կարգ. հաջողության հասածների շարքը բացում է մեր Հովհաննես Բաչկովը։ Հաղթանակ են տոնել նաև հունգարացի Ռիչարդ Կովաչը, իսպանացի Ադրիան Թիամ Կրեուսը և ֆրանսիացի Լունես Համրաուին։
67 կգ քաշայիններից հաղթանակ գրանցածներն են Վրաստանից Լաշա Գուրուլին, Ուելսից Յոան Քրոֆթը, Մոլդովայից Ալեքսանդրու Պարաշիվը և սերբ Վախիդ Աբասովը։
71 կգ քաշային կարգում հաջողության են հասել Ուկրաինայից Յուրի Զախարիևը, Անգլիայից Մուհամեդ Հարրիս Ակբարը, Գերմանիայից Մագոմեդ Շաչիդովը և Ուելսից Գարեն Քրոֆթը։
4 հաղթանակ ևս 75 կգ քաշային կարգում. Սալվատորե Կավալլարոն Իտալիայից, Գաբրիել Դոսենը Իռլանդիայից, Սեմ Հայքին Շոտլանդիայից և Լյուիս Ռիչարդսոնը Անգլիայից։
80 կգ քաշային կարգի հաղթողներ. Սերբիայից Արտյոմ Ագիև, Խորվաթիայից Լուկա Պլանտիչ, Ուկիաինայից Իվան Սապուն և Իտալիայից Ալֆրեդ Քրոմվել Քոմեյ։
86 կգ քաշայիններից հաղթանակ են տոնել մեր մարզիկ Ռաֆայել Հովհաննիսյանը, լեհ Տոմաշ Նեդժիեցկին, ռումինացի Պոլ Անդրեի Արադոին և վրացի Գեորգի Կուշինաշվիլին։
92 կգ քաշային կարգում հաջողության հասածներն են մեր հզոր Նարեկ Մանասյանը, Իտալիայից Ազիզ Աբբես Մուհիդինը, Լյուիս Ուիլյամսը Անգլիայից և Էմանուել Ռեյեսը Իսպանիայից։
+92 կգ քաշային կարգում հաջողության հասածներն են Իսպանիայի ներկայացուցիչ Այուբ Գադֆա Այսուին, Նորվեգիայից Օմար Մուհամեդ Շիհան, Անգլիայից Դելիշուս Օրայը և Նելվի Ռաման Հեսս Թիաֆաքը Գերմանիայից։
