Մոսկվայի Սիմոնովսկիի դատարանը չեղյալ է հայտարարել Ալեքսեյ Նավալնիի պայմանական պատժաչափը «Իվ Ռոշեի» գործով՝ փոխարինելով այն 3,5 տարվա իրական ժամկետով: Այս մասին հայտնել է RIA Novosti լրատվական գործակալությունը:
Ավելի վաղ Նավալնին կարողացել էր երեք անգամ խուսափել պայմանական պատիժը իրականով փոխարինելուց: Որոշումներն այդ ժամանակ կայացրել էր Մոսկվայի Լյուբլինի դատարանը 2015 և 2016 թվականներին:
Պայմանական պատժաչափը փոխարինելու որոշումն առայժմ ուժի մեջ չի մտել. կողմերը որոշումը բողոքարկելու համար ունեն 10 օր ժամանակ: