Գեներալ Մուրադովը անհաջող փորձ արեց, ձախողումը մնում է Մոսկվայի վրա․ Ստյոպա Սաֆարյան․ տեսանյութ

Ի՞նչ հետևություն եք արել երեկվա սկանդալային օրից․ «Առաջին լրատվական»-ի այս հարցին քաղաքագետ, Հանրային խորհրդի նախագահ Ստյոպա Սաֆարյանը պատասխանեց․ «Անկեղծ ասած՝ երբ օրվա հանդիպումներն ավարտվեցին, չէի հասցրել սոցիալական ցանցեր ու լրատվամիջոցների կայքեր այցելել, և ճանապարհից տեսա օդանավակայանում սպասող լրատվամիջոցների լայվերը։ Դա այն պահն էր, երբ ռազմագերիների հարազատները վեճի էին բռնվել լրատվամիջոցների լրագրողների և օպերատորների հետ, և պահանջում էին անջատել տեսախցիկները։ Ճիշտն ասած՝ ես զարմացա, թե ինչու պետք է դա արվեր։ Երբ պաշտպանության նախարարությունում ստեղծվել է հանձնաժողով, ես հրապարակային առաջարկել եմ, որ նախ պետք է պարբերաբար աշխատել անհետ կորած մեր զինվորների և գերեվարվածների հարազատների հետ։ Բանը չպետք է հասնի նրան, որ նրանք գան թակեն ձեր դուռը, այլ իշխանությունը, ունենալով մեծաթիվ պատգամավորներ, գործադիր իշխանություն, պարտավոր է անընդմեջ, շատ նուրբ ձևով ցույց տա, որ պետությունը կանգնած է նրանց կողքին, և նրանց պարբերաբար տեղեկացնի այն մասին, ինչն ընթանում է։ Ռազմագերիների հարցը և՛ արցախյան առաջին պատերազմի ժամանակ, և՛ բոլոր պետություններում բաց ու թափանցիկ պրոցես չէ»։

Ամբողջական հոդվածը սկզբնաղբյուր կայքում