Հրապարակախոս Գագիկ Քամալյանը ֆեյսբուքյան իր էջում նոր գրառում է հրապարակել․
Գիտեք ինչն է հետաքրքիր, որ հայ-թուրքական հարաբերությունների հետ կապված խոսույթը ընթանում է բարեկամ կամ թշնամի լինելու պարզունակ ընկալումների շրջանակում։ Իմ սուբյեկտիվ կարծիքով, սա չի կարող պատահական լինել, որովհետեւ հետպատերազմական շոկի մեջ գտվող հանրությանը, եթե դու արհեստականորեն կանգնեցնում ես թշնամի կամ բարեկամ երկընտրանքի առջեւ, ապա բնական է պատասխանը լինելու է հանրային տրամադրություններում առկա դժբախտ տրամադրություններից բխող, այն դեպքում, երբ ընդամենը խոսքը պետք է գնար այն մասին, արդյո՞ք երկու պետությունների միջեւ հնարավո՞ր է քաղաքական երկխոսություն սկսել, որը քաղաքական առումով բացարձակապես այլ բան է նշանակում, որովհետեւ երկխոսել, չի նշանակում բարեկամ լինել, կամ միանգամից ձեռքերը պարզած գոռալ, որ հետայսու խաղաղություն է հաստատված, եւ այսպես շարունակ։
Ահա սա է պատճառը, որ այդպիսի բովանդակությամբ քննարկումները ավելի շատ արվում են նման երկխոսության հնարավորությունը վիժեցնելու համար, եւ այն չի կարող դուրս լինել գեոպոլիտկ խմորումներից, եւ ցավալին այն է, որ ՀՀ քաղաքական դաշտի՝ հատկապես իշխանական շրջանակների մեծ մասը նմանատիպ նրբություններին չեն տիրապետում, եւ շատ արագ կերպով հայտնվում են քարոզչական ծուղակներում։