Գյումրիում ամուսինը դանակի 7 հարվածով սպանել է կնոջը
Երեկ` ժամը 22։25-ի սահմաններում Գյումրու շտապօգնության կայանից ոստիկանություն ահազանգ է ստացվել, որ Անի թաղամասի եկեղեցու մոտ դանակահարություն է տեղի ունեցել։
Դեպքի վայր մեկնած օպերատիվ խումբը Պարույր Սևակ փողոցի բնակարաններից մեկում հայտնաբերել է 43-ամյա կնոջ դի՝ որովայնի և ծնոտի շրջանում կտրած-ծակած վնասվածքներով։
Դատաբժշկի նախնական եզրակացության համաձայն՝ կնոջ որովայնի շրջանում եղել է 6, իսկ ծնոտի շրջանում՝ 1 կտրած-ծակած վնասվածք։
ՀՀ ոստիկանությունից Sputnik Արմենիային տեղեկացրին, որ քրեական հետախույզների ձեռնարկած օպերատիվ-հետախուզական միջոցառումների, այդ թվում՝ տարածքում անցկացված հարցումների արդյունքում պարզվել է, որ կնոջը վնասվածքները պատճառել էր նրա ամուսինը։ 49-ամյա տղամարդը հայտնաբերվել և բերման է ենթարկվել։