Հենա «վերադարձել է հայրենիք» էլի

«Չեմ կարողանում հայրենիք վերադառնալ…».

Armpublic.com-ը ճշտեց , որ ՄԱՀՀ-ի հիմնադիր տնօրեն Ստյոպա Սաֆարյանի գրառումը ուղղված է ՀՀ ՊՆ նախկին նախարար Միքայել Հարությունյանին։ Մասնավորապես Հարությունյանի այն արտահայտությանը, թե`ինքը «չի կարողանում հայրենիք վերադառնալ, որովհետև այս իշխանությունների համար անցանկալի ցուցմունք է տվել»։

«Ինչպես պարզվեց՝ Հայաստանի Հանրապետության պաշտպանության նախարար նշանակվելիս ՌԴ քաղաքացի է եղել ու այժմ էլ մնում։ Անգամ դրանից չէր հրաժարվել, երբ Ռոբերտ Քոչարյանի կողմից նշանակվել էր ՀՀ այդ պաշտոնում․․․ նախընտրել էր մնալ Ռուսաստանի քաղաքացի, բայց Հայաստանում զբաղեցնել բարձր պաշտոն»,-նշում է Սաֆարյանը նկատի ունենալով որ ժամանակին Ռոբերտ Քոչարյանը Հարությունյանին ՀՀ ՊՆ նախարար է նշանակել ,ինչի իրավունքը չուներ ,քանի որ Հարությունյանը ՌԴ քաղաքացի էր։

«Բա եթե Ռուսաստանի քաղաքացի է, հենա «վերադարձել է հայրենիք» էլի․․․ Հայաստանի հետ ինչ գործ ունեք, եթե ձեր, այն էլ՝ ապահովված խավ լինելով, ընտրությունը այլ երկրի քաղաքացիությունն է»,- հավելել է Սաֆարյանը։

Հիշեցնենք, որ ՀՀ ՊՆ նախկին նախարար Միքայել Հարությունյանը այժմ գտնվում է Ռուսատանի դաշնությունում ,և ՌԴ իշխանությունները հրաժարվել են արտահանձնել նրան։Հավելենք նաև որ Միքայել Հարությունյանը 2018 թվականից՝ Մարտի 1-ի քրեական գործով մեղադրյալ է, և նրա նկատմամբ միջազգային հետախուզում է հայտարարվել ։