Հովհաննես Բաչկովը Եվրոպայի եռակի չեմպիոն է: 63,5 կիլոգրամ քաշայինների եզրափակիչում մոտ 20 րոպե առաջ Հայաստանը ներկայացնող բռնցքմարտիկը հաղթեց Ֆրանսիայի ներկայացուցիչ Ամրաուին և նվաճեց ոսկե մեդալ:
Երևանի Կարեն Դեմիրճյանի անվան մարզահամերգային համալիրում անցկացվող բռնցքամարտի Եվրոպայի առաջնության 57 կգ քաշային կարգի եզրափակիչում Հայաստանի հավաքականի անդամ Արթուր Բազեյանն ավելի վաղ պարտվել էր Բելգիան ներկայացնող Վասիլ Ուստուրոյին և նվաճել արծաթե մեդալ:
Հիշեցնենք՝ 92 կգ քաշային Նարեկ Մանասյանն էլ արժանացել է բրոնզե մեդալի:Այսօր Հայաստանի ևս մեկ ներկայացուցիչ՝ 86 կգ քաշային Ռաֆայել Հովհաննիսյանը, կպայքարի ոսկե մեդալի համար: