Հովհաննես Բաչկովը Երեւանում երկու օր առաջ ավարտված Եվրոպայի առաջնությունում հռչակվեց եռակի չեմպիոն:
Սեփական հարկի տակ տարած հաղթանակի ու ապրումների մասին բռնցքամարտիկը գրել է Ինստագրամում:
«Այսպիսի էմոցիաներ, որոնք մեր ժողովուրդը փոխանցեց ինձ դահլիճում ու դրա սահմաններից դուրս, չէի զգացել։ Այս հաղթանակը ամեն մեկինդ է։ Շնորհակալ եմ քեզ, իմ հայ ազգ։
Այն պահից, երբ սպորտով մտահոգված մարդիկ ասացին, որ երկիրն իմ կարիքն ունի՝ ամեն ինչ թողեցի ու եկա Հայաստանի պատիվը բարձր պահելու։
Եվրոպայի առաջնության բարձր մակարդակը ցույց տվեց կազմակերպիչների հսկայական աշխատանքը։ Չեմ կարող չնշել նաեւ լրագրողների եւ կամավորների նվիրված աշխատանքը։ Շնորհավորում եմ իմ ընկերներին, ովքեր եւս մեդալներ նվաճեցին։ Իմ հաջողության «տարոսը» մյուսներին թող լինի»։