Իշխան Սաղաթելյանը փորձում է միանգամից նստել երկու աթոռի
Իրեն Հայրենիքի փրկության շարժում հորջորջող խմբակը, տեսնելով որ չի կարողանում ապահովել անգամ Դեմիրճյան փողոցում “դիրքերը պահելու” համար անհրաժեշտ մի քանի անձանց շուրջօրյա առկայությունը, որոշել է գնալ մարզեր: Խմբակին կցանկանայի հիշեցնել, որ Երևանից որևէ մարզ գնալիս հետևորդների քանակը չի ավելանում, այնպես որ իրենց սպասում է հերթական ֆիասկոն:
Բայց նրանց սպասվող ֆիասկոյի մասին չէ, որ ցանկանում եմ գրել, այլ հայաստանյան դաշնակների: Ինձ միշտ զարմացրել է, թե ինչպես ողջ Սփյուռքում դիրքեր ունեցող, 3 դարերով անցած ՀՅԴ-ն կարող է հանդուրժել հայաստանյան “կուսակցությանը” և դրա “ղեկավարներին”, մասնավորապես Իշխան Սաղաթելյանին, որը հիմա էլ որոշել է միաժամանակ նստել երկու աթոռի.
— մի կողմից ակտիվորեն ներգրավված է “Հայրենիքի փրկության շարժման” ծրագրերում, հայտարարում է, որ դեմ է արտահերթ խորհրդարանական ընտրություններին, խուճապահար փախնում է ոստիկաններից, “քաջաբար” լքում է սկզբում Բաղրամյան, ապա նաև Դեմիրճյան փողոցներում իրենց “առաջնագծերը”, իսկ հիմա էլ մտադիր է վազգեն մանուկյանի հետ մեկնել մարզեր՝ հակաիշխանական քարոզարշավի (ստացվում է բառախաղ – ԻՇԽԱՆը գնում է հակաԻՇԽԱՆական քարոզչություն),
— մյուս կողմից ակտիվորեն մասնակցում է Քոչարյանի հետ քննարկումներին, և ըստ չար լեզուների, իր համար ապահովել է նրա ցուցակում երկրորդ տեղը: Փաստորեն մտադիր է մասնակցել այն ընտրություններին, որոնց անցկացման դեմ անձամբ ակտիվ քարոզում է:
Այ Իշխան, կողմնորոշվի, հիմա դու ինչ ես ուզում:Հ.Գ. ՀՅԴ-ում հաստատ կան Իշխանից շատ ավելի հեղինակավոր մարդիկ, որոնցից առաջ ընկնելով մեր Իշխանը հարուցելու է նրանց զայրույթը, և մենք հերթական անգամ ականատես կլինենք ոչ միայն Հայաստանի դաշնակցականների հերթական պառակտմանը, այլ նաև կուսակցությունից վռնդվող անդամների “կարապի երգերին”:
Հոդվածի սկզբնաղբյուր — New Armenia BLog