Ստյոպա Սաֆարյանը ֆեյսբուքյան իր էջում գրել է․
Ի՞նչ վատ է, որ։ Մի ամիս Քոչարյանին ծախսի տակ գցեցին, ստիպեցին վճարել ու ծախսել։
Ահագին ժամանակավոր աշխատատեղեր բացվեցին, ահագին միջանկյալ օղակ միգուցե լավ վաստակած էլ լինի, «կատաղի», «արմատական» ընդդիմության իմիտացիա ստեղծվեց, հետագայում կասվի, որ իրենցից կախված ամեն ինչ արեցին, բայց այդ «անհայրենիք» «ժեխ» ժողովուրդը չցանկացավ, որ իրեն «փրկենք», ԱԺ նիստերի բացակայության վտանգավոր գիծը չեն հատի պառլամենտ վերադառնալով ու մանդատից չզրկվելով, կստանան բոլոր աշխատավարձերը ու հավելավճարները, կփակեն գարնանային սեզոնը, ընդդիմության պահանջի ուժով մի արտահերթ նիստ կգումարվի, որում կապացուցեն, որ «բոլոր միջոցներն օգտագործել են», դեմը մի քանի օրից ամառ է, ասել է թե’ ծովափի ու հանգստի սեզոն, կառնեն տոմսերը, անգամ թուրքական ծովափի (օրերս պարզվեց, որ փրկչիստուհիներից մեկը ժամանակին իր ազգային վիշտը և թուրքի հանդեպ ատելության ցավը հենց թուրքական ափերին է ծովում խեղդում), ապա կվերադառնան լիցքաթափված ու լիցքավորված և մեկնարկ կտան «թեժ աշնանը»։
Ի՞նչ վատ է, որ…