Մի հասցրեք նրան, որ մեր ժողովուրդը մոռանա իրեն հատուկ գթասրտությունն ու ներողամտությունը և ձեզ ոտատակ անի.Ալեքսանդր Սայադյանը՝ մերժվածներին

Ալեքսանդր Սայադյանը ֆեյսբուքյան իր էջում գրել է․․․

ԵՐԿՈւ ԽՈՍՔ…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Իրականության զգացումը վերջնականապես կորցրած, կուրացած ու խլացած հները և իրենցից ծլած որոշ հնածիններ դուրս են սողացել հազար թումանով առած ծակուծուկերից ու իշխանությունը վերցնելու կոչեր են արձակում։ Էս ռևանշիստ սրիկաներին թվում է, թե իշխանությունը մի անկյունում ընկած գնդակ է, որ ամեն լակոտ-լուկուտ կարող է գալ ու վերցնել։ Սրանք երևի բացակայել են դպրոցի հասարակագիտության դասերից, կամ “двоечник” են եղել ու չգիտեն, որ ժողովրդավարություն կառուցող երկրում իշխանության գալու համար պետք է ունենալ ժողովրդի վստահության քվեն։ Հիմա մի հարց սրանց` դուք ունե՞ք ժողովրդի վստահությունը, դուք մեզ հարցրե՞լ եք, մենք ուզու՞մ ենք, որ դուք իշխանության գաք։ Թե՞ ժողովուրդ ասած հասկացությունը ձեզ համար եղած-չեղած` մի հաշիվ է։ Ա’յ մերժվածներ ու սազանդարներ, ա’յ պատեհապաշտ, պնակալեզ կարիերիստներ, հերիք շահագործեք մեր համբերությունը։ Ի՜նչ եք տզերի նման կպել մեր մարմնին ու չեք ուզում պոկվել։ Մի հասցրեք նրան, որ մեր ժողովուրդը մոռանա իրեն հատուկ գթասրտությունն ու ներողամտությունը և ձեզ ոտատակ անի։ Այսքանը` կարճ ու կոնկրետ…