Նախարարության աշխատակիցները ծափերով հրաժեշտ տվեցին նախարարին. տեսարանը հուզիչ էր․ տեսանյութ

Նախարարության աշխատակիցները ծափերով հրաժեշտ տվեցին նախարարին։ Ծափեր, ի նշան` ափսոսանքի ,շնորհակալության ,հարգանքի և իհարկե` վերադարձի։ Տեսարանը հուզիչ էր։

Ինչպես արդեն հայտնել էինք ,երեկ ՀՀ բարձր տեխնոլոգիական արդյունաբերության նախարար Հակոբ Արշակյանը հայտարարել էր հրաժարականի մասին։Պատճառը վերջերս լրագրողի հետ տեղի ունեցած հայտնի միջադեպն է։
Հրաժարականի հայտարարությունից հետո նախարարության աշխատակիցները հայտարարություն էին տարածել .
«Հարգելի՛ Պրն․ նախարար,

Շնորհակալ ենք՝

– Մեր մեծ ընտանիքի սիրված առաջնորդը լինելու համար,
– Ձեր հոգատար վերաբերմունքի համար,
– Կազմակերպչական տաղանդի և ստեղծագործ մտքի համար,
– Մեզ ոգեշնչելու և մոտիվացնելու համար,
– Ավելի քան 2.5 տարվա անմնացորդ նվիրումի, ծառայության և քրտնաջան աշխատանքի համար,
– Թիմին ազատ մտածելու հնարավորություն ընձեռելու և մոտիվացնելու համար:

Մենք պարզապես ՇՆՈՐՀԱԿԱԼ ենք․․․

Թող Ձեր ճանապարհը լինի անշեղ և տանի դեպի նոր բարձունքներ»,-նշված էր աշխատակիցների հայտարարության մեջ։

Նարին Փայլակյան