Լիզա Ճաղարյանը ֆեյսբուքյան իր էջում նոր գրառում է հրապարակել։
Ասե՞մ` ինչ է սպասվում մեզ։
Ասեմ։
Որքան էլ չցանկանանք խոստովանել` ՓԱՍՏ է. Նիկոլ Փաշինյանի ուժը չի պատում ռոբասերժական բանդայի վրա։
Ինչու՞։ Վախենու՞մ է։ Շանտաժի տա՞կ է։ Հոգու խորքում սրանք ավելի՞ հոգեհարազատ են իրեն։ Չգիտեմ։
Բայց այլեւս չբարձրաձայնելը, որ Նիկոլն անասելի օրինապահ եւ «նրբանկատ» է, եթե դիմացինը նախկին ավազակներն են, եւ կրկնակի անգամ անարդար ու կոշտ է իր աջակիցների նկատմամբ, նշանակում է` ինքներս մեզ երկարականջի տեղ դնենք։
Երկու տարուց ավելի է` հենց էդպես էլ անում ենք, անունը դնելով, որ հանուն պետության ենք անում։
Հանուն պետության ստիպված ենք այսուհետ ասել, որ էս նախկինները մի օր հասկանալու են, որ իրենք ամենաապահով վիճակում կարող են լինել միմիայն Նիկոլի օրոք, ինչն էլ հիմա տեսնում ենք։
Սանձարձակ հանցագործ Վովա Գասպարյանն ասել է` ես նախկին չեմ, ես ապագա եմ։ Իրավունք ունի։ Որովհետեւ վաղուց պետք է բանտում լիներ, բայց իշխանությունը կորցնելուց հետո նույնքան անպատժելի է զգում իրեն, ինչպես իր հանցակիցները, եւ նույնիսկ ավելի է լկտիացել ու դեռ ավելի է լկտիանալու։
Կարճ ասած, մի օր էլ արթնանալու ենք ու տեսնենք, որ Նիկոլը սրանց հետ թեւ թեւի պայքարում է իր աջակից հեղափոխականների գիտակից, անկաշառ եւ սկզբունքներ ունեցող հատվածի դեմ։
Տա Աստված, սխալվեմ։
Բայց Նիկոլը չի թողնում, որ սխալվեմ։
Ուղիղ գծով գնում է հենց էս ճամփով։