Խաչիկ Ավետիսյանը ֆեյսբուքյան իր էջում գրել է․․․
ՆԻԿՈԼԻ ՆԿԱՏՄԱՄԲ ԵՂԱԾ ՎՍՏԱՀՈՒԹՅՈՒՆԸ ԿԱ ՈՒ ԿՄՆԱ
“””””””””””””””””””””””””””””””””””””””””””””””””””””””””
Բացահայտում արած չեմ լինի, եթե ասեմ քաղաքականությունը անբարոյականության տարրեր պարունակող զբաղմունք է,բայց այն ինչ այսօր կատարվում է Հայաստանում վեր է ամեն տեսակի պատկերացումներից։Ես բնական կհամարեի քաղաքականությամբ զբաղվող այն անձանց դրսևորումները, որոնք առիթը բաց չեն թողնում կարծիքներ արտահայտելու որևէ առիթով ու որևէ անհատի նկատմամբ։Ու նաև բնական կհամարեի,որ ոմանց մոտ տարիների ընթացքում նկատվեր կարծիքների որոշակի փոփոխություններ։Բայց չեք կարծու՞մ, որ կարծիքներ փոխելը, այն էլ հիմնավոր ու այն էլ ամիսների, ինչու չէ նաև օրերի ընթացքում,դա արդեն անբարոյականության ժանրից է։
Ասածս հիմնավորելու համար վերցնենք Հայաստանի Հանրապետության երկրորդ նախագահի նկատմամբ մի քանի վայ քաղաքական գործիչների կարճ ժամանակահատվածներում արված հայտարարությունների լրիվ իրարամերժ գնահատականները։Շատերի համար հայտնագործություն արած չեմ լինի, եթե ասեմ՝թե Դավիթ Շահնազարյանը իր հռետորական արտահայտչականությամբ ու ինքնավստահ կեցվածքով ինչպես էր մերկացնում Ռոբերտ քոչարյանին,կապված և հոկտեմբերի 27֊ի և մարտի մեկի տխրահռչակ դեպքերի հետ,նույն ինքը՝ ԴՀՈԼ Գեղամյանը ինչ գնահատականների էր արժանացնում նույն Քոչարյանին ու Սերժ Սարգսյանին,նրանց համարելով նենգության ու կեղծիքի ռեժիսյորներ՝ նեգատիվիզմի Շեստակովիչներ,նաև ընտրակեղծիքների ռահվիրաններ, իսկ իր նախանձախնդրությամբ հայտնի Գուրգեն Եղիազարյանը Քոչարյանին ու Սերժ Սարգսյանին ամենավերջին ձևով մրոտելու ու նրանց,որպես մեր ժամանակների հանցվոր խմբավորումների պարագլուխներ անվանելով իր տրամաբանությունը զուգորդում էր Նիկոլին ուղղված գովասանքի խոսքերով։Իսկ Նիկոլի աճեցրած գեներալ Վանեցյանի ելույթը Քոչարյանի թալանի,այդ թվում և 6 միլիոն դոլարի արժողությամբ K O N G R E S հյուրանոցը, որպես կաշառք ստանալու մասին տեղեկությունը բոլորիդ է հայտնի։ Ու,Ու ի՞նչ է կատարվում հիմա։Հիմա այս վայ քաղաքական վերլուծաբանները սազերը ձեռքներն առած մեծ հուզականությամբ երկրի ապագան դարձյալ կապում են Քոչարյանի կամ Սերժ Սարգսյանի հետ, իսկ անխոնջ Նիկոլի նկատմամբ այնպիսի վայրահաչոցներ են տարածում ,որ նրանց տարակարծիք ելույթները մեկտեղելիս մարդ կարող է զարմանքից քար կտրել։
Մնում է ավելացնել մի բան, որ այս ամենը արվում է նեղ անձնական նկրտումներից՝չարությունից նախանձախնդրությունից ու էգոիզմի դրսևորումներց դրդված։Վերջում ուզում եմ ավելացնել,որ ամեն ինչը այսօր հասանելի է հասարակության լայն զանգվածներին ու նրանց նման դատարկաբանություններով ու հերյուրանքների տարափով չի կարելի ապակողմնորոշել։Նիկոլի նկատմամբ եղած վստահությունը կա ու կմնա։