Տարիներ շարունակ հասարակության լայն շերտերի քննարկման առարկա է գեներալ Սեյրան Օհանյանի Վահագնի թաղամասում գտնվող շքեղ առանձնատունը ։Մարդիկ ուզում են պարզել թե համեստ աշխատավարձով ապրող զինվորականը ինչպես, ի՞նչ միջոցներով է հաջողացրել նման դղյակ կառուցել ։
Օհանյանը իհարկե հերքում է որ տունն իրենն է ։Մի քանի օր առաջ էլ պարոն գեներալը, ով ներկայում հանդիսանում է ԱԺ «Հայաստան» խմբակցության ղեկավար, Ֆեյսբուքի իր էջում գրել էր.
«Ես` Սեյրան Մուշեղի Օհանյանս, պաշտոնապես հայտարարում եմ, որ Վահագնի թաղամասում գտնվող և մամուլում ցուցադրվող առանձնատանը չեմ տիրապետել, չեմ տիրապետում։ Հասարակական նշանակության որևէ օբյեկտի չեմ տիրապետում։
Այսպիսով, ՀՀ-ում կամ նրա սահմաններից դուրս որևէ դատարան չի կարող բռնագանձել սույն շինությունները` որպես ինձ` Սեյրան Օհանյանիս պատկանող գույք, այն էլ` ապօրինի։ Իսկ իմ անվան շուրջ պտտվող ստահոդ լուրերը կապված են Արցախի հարցում իմ` որպես ընդդիմադիր «Հայաստան» խմբակցության ղեկավարի հակաիշխանական կոշտ դիրքորոշման և Դիմադրության շարժման պայքարի աճող ինտենսիվության հետ»։
Այսպիսի կտրուկ, «համոզիչ» հերքումը թերևս ոչ թե ժողովրդին էր ուղղված , այլ դատախազությանը ,քանի որ «Երևանի առաջին ատյանի ընդհանուր իրավասության դատարանը վարույթ է ընդունել պաշտպանության նախկին նախարար, Ազգային ժողովի «Հայաստան» խմբակցության ղեկավար Սեյրան Օհանյանի՝ ապօրինի ծագում ունեցող գույքի բռնագանձման վերաբերյալ դատախազության հայցադիմումը»։
Ինչ արած ,կսպասենք «օրենքի պատասխանին»։ Բա չիմանանք պարոն գեներալը տուն ունի, թե՞ այնուամենայնիվ խեղճ ու կրակ, վարձով ապրող պատգամավոր է։
Այստեղ տեղին է սիրված ֆիլմի մոտիվներով հարցնել .
-Ուրեմն ասում ես, էս տունը քոնը չի՞։
-Այ մարդ ասեցինք չէ է՜լի, նյե՜տ… ես հո հավ չեմ, որ տունս իմ անունով գրանցեմ։
Նարինե Ասատրյան