Ու բնավ էլ պարտադիր չէ, որպեսզի հասարակության որևէ անդամ լինի իրավագետ… առավել ևս կարդա ու “չհասկանա”, որ պարբերաբար խախտվել են ՀՀ Սահմանադրության իմպերատիվ նորմերի պահանջները…
Քաղաքական նպատակահարմարությունից ելնելով` ով ինչ կխոսի, կամ ով ինչ ձևով կփորձի շրջանցել սահմանադրական նորմերը, քողարկելով դրանց իրական բովանդակությունը, պարզապես քաղաքական “յալանչի է”…Գուցե նմանատիպ գործիչներին անդրադառնալը լիներ ժամանակավրեպ, բայց քանի որ նրանք հաշվի չեն նստում հանրային հիշողության, իրենց թողած վատ համբավի հետ և նետվում են հրապարակներ` նորից ու կրկին հիշեցնելու, թե իրենք կան ու մնում են որպես քաղաքական կյանքի “առաջմղիչներ”, նրանց ընդամենը պետք է հիշեցնել իրենց նախկին կարգավիճակի իրավական հիմքերի մասին, որոնց ակնհայտ ու կոպիտ խախտումով իրենք “ընտրվել են” բարձր պաշտոններում… Եվ այսպես… ՀՀ Սահմանադրության (1995թ.) 50֊րդ հոդվածի երկրորդ պարբերությունը հստակ իմպերատիվ պահանջ է առաջադրում, որ “Հանրապետության Նախագահ կարող է ընտրվել երեսունհինգ տարին լրացած, վերջին տասը տարում Հայաստանի Հանրապետության քաղաքացի հանդիսացող, վերջին տասը տարում Հանրապետությունում մշտապես բնակվող և ընտրական իրավունք ունեցող յուրաքանչյուր ոք”…Իսկ ՀՀ Սահմանադրության (2015թ.) 124֊րդ հոդվածի 2֊րդ մասի համաձայն` “Հանրապետության նախագահ կարող է ընտրվել քառասուն տարին լրացած, վերջին վեց տարում միայն Հայաստանի Հանրապետության քաղաքացի հանդիսացող, վերջին վեց տարում Հայաստանի Հանրապետությունում մշտապես բնակվող, ընտրական իրավունք ունեցող և հայերենին տիրապետող յուրաքանչյուր ոք”…
Հ.Գ. Հայտնի փաստերն ապացուցման կարիք չունեն… Ու եթե մի պարագայում մարդն ապրելով Արցախի Հանրապետությունում, առավել ևս զբաղեցնելով Արցախի Հանրապետության Նախագահի պաշտոնը կարող է համարվել ՀՀ քաղաքացի և ներկայացնել տեղեկանք, որ վերջին տասը տարում մշտապես բնակվել է Հայաստանում… ապա պետք չէ բացարձակ զարմանալ լոնդոնաբնակ մեր հայրենակից Արմեն Սարգսյանի դեպքում, ով առանց որևէ “իրավական խոչընտոտի ապացուցել է”, որ ինքը բացառապես ՀՀ քաղաքացի է և ՀՀ Նախագահ ընտրվելուց առաջ վերջին վեց տարին մշտապես բնակվել է Հայաստանի Հանրապետությունում… Կարծում եմ ու շատերն են նաև այդ համոզմանը, որ իր նախագահության (անգործության) վերջին չորս տարիների ընթացքում Արմեն Սարգսյանն այնքան է զբաղված եղել իր բիզնես գործունեությամբ, որ մշտապես գտնվել է պաշտոնական գործուղումների մեջ և բացակայել է Հանրապետությունից… Ու որևէ մեկը թող չկասկածի, որ Սահմանադրության նորմերի խախտումներով Հայաստանում պաշտոնի նշանակված (ընտրված) մարդիկ իրենց կարգավիճակն օգտագործել են բացառապես անձնական շահի նպատակով, և իրենք դարձել են միլիոնատեր խոպանչիներ, մեր երկիրն էլ վերածել են ավերակ խոպանի… Ճշմարտությունը մարդու ուղեղի մեջ է, ոչ թե լեզվի վրա…Խիղճը մարդու սրտի մեջ է, ոչ թե ոտնաթաթերի տակ…Ճշմարտությանն ու խղճին դավաճանող մարդը պարզապես մարդ չէ… եսիմ ինչ է, բայց մարդ չէ…