Երևանի կենտրոնում օտարերկրացին սպառնացել է ցած նետվել 8-րդ հարկից, ապա պատշգամբից 6000 դոլար է ներքև նետել։
Երեկ՝ մայիսի 29-ին, արտակարգ դեպք է տեղի ունեցել Երևանում:Ժամը 19:20-ի սահմաններում, Արտակարգ իրավիճակների նախարարության Փրկարար ծառայության 911 Ճգնաժամային կառավարման կենտրոն ահազանգ է ստացվել, որ մի քաղաքացի Արամի փողոցի 4/3 շենքի 8-րդ հարկի պատշգամբից սպառնում է ցած նետվել:
Ինչպես հայտնում է shamshyan.com-ը, ժամանել են ԱԻՆ փրկարարներն ու հոգեբանական խումբը, ինչպես նաև պարեկային ծառայության աշխատակիցները։Կայքի տեղեկություններով, տղամարդը օտարերկրացի է եղել, և պահանջել է հանդիպում իր երկրի դեսպանի հետ: Դեսպանատանից ներկայացուցիչներ են ժամանել և նրա հետ սկսվել են բանակցություններ:
Այդ քաղաքացին պատշգամբից նաև թափել է խոշոր չափի ԱՄՆ դոլար՝ քաղաքացիների ուղղությամբ:
Պարեկային ծառայության Երևանի գնդի պարեկները ոստիկանության Կենտրոնական բաժնի ծառայողներն ու փրկարարները հավաքել են ողջ գումարը, ինչպես նաև հայտնաբերել են քաղաքացու կողմից պատշգամբից նետած ժամացույցը, և դրանք տարել ոստիկանության Կենտրոնականի բաժին:
Կայքի տեղեկություններով՝ գումարը կազմում է մոտ 6 հազար ԱՄՆ դոլար