Արթուր Միրզոյանը ֆեյսբուքյան իր էջում նոր գրառում է հրապարակել։
Քանի դուք չեք փոխվել, չեք նկատի ձեր շրջապատի փոփոխությունները:
Հիշում ե՞ք, էն որ գնում էիք թաղապետից կամ ինչ -որ մի կառույցից տեղեկանք վերցնելու, իսկ դրա դիմաց ձեզանից որոշակի գումար էին պահանջում, դուք երազում էիք օրինական երկիր ունենալու մասին: Բա հիմա ի՞նչ եղավ, երևի ձեր 18 տարեկան երես առածին վարորդական իրավունք էր պետք ու ձեզ մերժեցին գումարի դիմաց արագ տրամադրե՞լ, թե՞ 100կմ/ժ արագությամբ երթևեկելիս ձեզ կանգնացրեցին ու հիմա հրաժարվում են 5000 դրամից, փոխարենը 30.000-ի տուգանք են գրում: Ախր օրենքը կամ լինում է կամ չի լինում ընդհանրապես, չես կարող օրենք պահանջել,երբ կաշառքով ինքդ ես ուզում դրանք շրջանցել: Չէ, երկիրս փոխվել է ու դեռ շատ տեղ ունի փոխվելու ու դեռ շարունակվում է փոխվել, իսկ դու՞: Չէ, դու չես ուզում փոխվես, դու ոնց 5000դրամով ձայն ես վաճառել, այնպես էլ շարունակում ես գրոշներով գնալ ՙՙԺողովրդի հետ, ժողովրդի կողքին՚՚ կարգախոսով հանրահավաքին,մինչդեռ դու գնում ես ժողովրդի դեմ, ժողովրդի թիկունքին խփելու օլիգարխի բռունցքով: Կարծում ես Նիկոլնա՞ քեզ խաբել , չէ՛, դու ես ինքդ քեզ անդադար խաբել ու շարունակում ես խաբել: Դու մտածում էիր, որ եթե հելել ես փողոց, մայթերում խորոված ես արել ու ՙՙմերժիր սերժին ՚՚ գոռացել, դրա համար քեզ պաշտոն ու աթոռ էին տալու, կամ ամենամսյա հոնորար: Քո ուղեղը լի է նմանատիպ ֆանտազիաներով, դրա համար ես քեզ կասեմ իրականությունը. դու ավելին ես ստացել,քան սպասում էիր, դու քո երեխայի համար օրենքի երկիր ես ձևավորել, դու քո երեխայի համար լիգիտիմ իշխանություն ես ընտրել , բայց ոնց հասկանում եմ դու կարոտում ես ընտրությունից ընտրություն տրվող 10.000 դրամին: Դու երբևիցէ հաշվե՞լ ես , թե օրեկան ինչ գին ունի քո ձայնը,որը վաճառեցիր անկիրթ պատգամավորին, որին 5 տարվա մեջ 5 անգամ ես տեսնում նիստում և ոչ մի անգամ ելույթ ունենալուց: Քո ձայնը օրեկան արժի ընդամենը 5.5 դրամ: Պատկերացնում ե՞ս, դու օրեկան 5.5 դրամ վերցնում ես, որ ինքն այդ օրը լինի պատգամավոր, և այդպես 5 տարի շարունակ մինչև նոր ընտրություններ: Իսկ դու երբևիցէ հաշվել ես թե օրեկան ինչքան անեծք ու հայհոյանք ես հնչեցրել քո իսկ ընտրած իշխանության կամ կոնկրետ պատգամավորի հասցեին: Վերջապես դու հիմա հաշվեցի՞ր թե ինչ էժանագին արարած ես ու հետո ինձ ու իմ նմաններին եք անվանում ծախված ֆեյքեր…