ՔՊ-ն դադարել է սպասարկել իմ հավակնությունները. Ուլիխանյանը լքում է կուսակցությունը

ՔՊ-ն դադարել է սպասարկել իմ այդ հավակնությունները. Ուլիխանյանը լքում է կուսակցությունը

«Որոշումն ընդունել էի դեռևս մայիսի 4-ին, սակայն փաստաթղթավորման գործընթացը չէի սկսել, որպեսզի դա որևէ կերպ և ոչ մեկի կողմից չփոխկապակցվի հայտնի ներքաղաքական գործընթացների հետ։

Պատճառը շատ պարզ է։ Իմ պատկերացմամբ քաղաքացիները քաղաքական միավորներ ստեղծում կամ դրանց անդամակցում են իրենց քաղաքական նպատակները և հավակնությունները իրագործելու հնարավորություն ստանալու համար։ Արձանագրել եմ, որ ՔՊ կուսակցությունը դադարել է սպասարկել իմ այդ հավակնությունները»,– ֆեյսբուքյան իր էջում գրել է Տիգրան Ուլիխանյանը։

Նրա խոսքով` իր նպատակները և հավակնությունները սպասարկելու համար պետք է որոնի այլ հարթակ։

Ուլիխանյանը 2015 թվականից «Քաղաքացիական պայմանագիր» կուսակցության հիմնադիր անդամ է․ ԱԺ 7-րդ գումարման պատգամավոր է եղել «Իմ քայլը» դաշինքի ցուցակով, 2020թ. նշանակվել է ՀՀ ՊՎԾ ղեկավարի տեղակալ, ղեկավարի պարտականությունները կատարող, իսկ 2021թ. հունվարի 15-ին` ՊՎԾ պետ, 2021-ի դեկտեմբերին, ազատվել էր պաշտոնից։