Ալեքսանդր Սայադյանը ֆեյսբուքյան իր էջում գրել է․
ԵՐԿՈւ ԽՈՍՔ…
Այն, ինչ արեցին այսօր ազգային արժանապատվությունից իսպառ զուրկ հայրենադավ սրիկաները Հայաստան պետության վարչապետի՝ Բրյուսելում մեր թշնամի երկրի նախագահի հետ հանդիպումից առաջ, անվանել այլ կերպ, քան ազգային շահերի դավաճանություն, նույնիսկ շատ մեծ ցանկության դեպքում, անհնար է։
Կրկնում եմ նախկինում մի քանի անգամ հայտնած կարծիքս՝ ժողովրդավարությունը ենթադրում է խոսքի և գործողությունների ազատություն, բայց ոչ երբեք ամենաթողություն, լկտիություն և զոռբայություն, ինչի ականատեսն ենք վերջին ժամանակներս։
Ռևանշիստների՝ Երևանում ստեղծած քաոսային վիճակը, նրանց խամաճիկների խուլիգանական վարքը Եվրոպայում, հեղինակազրկում են մեր պետությունը և իջեցնում երկրի վարկը միջազգային հանրության աչքում։ Ժողովրդավարությունը պիտի կարողանա պաշտպանել իրեն, այլապես կկորցնենք այդքան դժվարությամբ ձեռք բերած ազատությունները և նորից կհայտնվենք թալանի, բռնության ու խավարի թագավորությունում։
Այս պահին վիճակից դուրս գալու միակ ելքը, իմ՝ շարքային քաղաքացու կարծիքով, Քոչարյան Ռոբերտին և Սարգսյան Սերժիկին հեղափոխական օրենքներով ճաղերի ետևում փակելն է և ՀՅԴ-ի գործունեությունը երկրում արգելելը։ Մնացած մանր-մունրները սեփական կաշին փրկելու բնազդական վախից մկան ծակը հազար թումանով կառնեն ու կսսկվեն։
Բացառված չէ, որ «քաղաքակիրթ» աշխարհը մի քիչ աղմկի ժողովրդավարական արժեքները «ոտնահարելու» առիթով։ Դե, գիտենք, որ նրանց բան ու գործն էլ հենց աղմկելն է, բայց դա շատ կարճ կտևի ու կմոռացվի և մեզ կծափահարեն։ Ռումինիան ու Չաուշեսկուն էլ ձեզ նվեր… Հաղթողին չեն դատում։