Հայաստանի նախկին նախագահ Ռոբերտ Քոչարյանը կմասնակցի հունիսի 20-ին նախատեսված արտահերթ խորհրդարանական ընտրություններին՝ ղեկավարելով կուսակցությունների դաշինքը։ ТАСС լրատվական գործակալության փոխանցմամբ՝ այս մասին Քոչարյանը հայտարարել է ռուսական Առաջին ալիքի «Познер» հաղորդման հարցազրույցի ընթացքում։
«Ես 10 տարի ղեկավարել եմ երկիրը, բայց անկուսակցական եմ։ Կմասնակցեմ կուսակցությունների դաշինքը գլխավորելով, ամենայն հավանականությամբ՝ դա կլինի 2 կուսակցություն»,- հայտարարել է Քոչարյանը՝ չհստակեցնելով, թե կոնկրետ որ կուսակցությունները դաշինք կկազմեն։