Ալիս Սողոմոնյանը ֆեյսբուքյան իր էջում նոր գրառում է հրապարակել։
ՔԱՎՈՒԹՅԱՆ ՆՈԽԱԶԸ ԵՎ… թՈՒՐՔԵՐԻ ԴՐԱԾՈՆԵՐԸ
ՔԱՎՈՒԹՅԱՆ ՆՈԽԱԶ-ը վերագրվում է մի մարդու, ով զոհաբերվում է՝ ուրիշների հանցանքը մաքրելու համար:
Սա վերագրվում է մի մարդու, ով այս օրերին դիմանում է Հայաստան երկրում այդ քավության նոխազից իրենց քենն ու ոխը հանողների դավաճան քայլերին, դավաճան բողոքողներին, որոնք ամեն, ամեն ձախորդություն փորձում են նրա վրա բարդել:
Սա վերագրվում է մի մարդու, ով հանիրավի դառնում է ձախորդությունների վճարողը:
Սա վերագրվում է մի մարդու, ով ամբողջ ծանրությունն իր ուսերին է առել և զտարյուն հայերի հետ միասին ցանկանում է մեր երկիրը մաքուր պահել ներքին տականքներից:
1994-ի հաղթանակից ի վեր հստակ էր, որ երկրորդ մեծ պատերազմը տեղի պիտի ունենա։ Անշուշտ, 1994-ի պատերազմն անհամեմատելի է Արցախյան այն 45 օրերի պատերազմի հետ, որը, աշխարհի մեծ տերությունների քար լռության ու հանցավոր անտարբերության պայմաններում, վարում էին Արցախն ու Հայաստանը: Այդ պատերազմում մենք կռվում էինք 100 միլիոնի դեմ, կռվում էինք թուրքիայի վիթխարի զենքի, Իսրայելի, Անգլիայի, Պակիստանի և միջազգային ահաբեկիչների դեմ:
Խոնարհումս մեր նահատակ զինվորների հիշատակի առաջ, ափսոսանքս ու մխիթարությունս տնավեր արցախցիներին: Պատերազմը մեզ պարտադրված էր, և մենք զոհեր ունեցանք չափազանց անհավասար պայքարում: Սա, անշուշտ, չի՛ մեղմում մեր ցավը, բայց դաժան իրողությունն էր այդպիսին:
…Երբ Արցախի նախագահ Արայիկ Հարությունյանը ստիպված էր վերջին կոչով դիմել, որ թուրքերն արդեն Շուշիի մատույցներում են, հասկանալի էր, որ հրադադարը երկու անգամ մերժած թուրքիան (ոչ թե ադրբեջանը) ձգտում է վերջնականապես գրավել ամբողջ Արցախը և իր երազած ցեղասպանությունն իրագործել:
Նման ճգնաժամային պայմաններում ի՞նչ պիտի անեին Արցախի ղեկավարն ու Հայաստանի վարչապետը, երբ 45 օրյա պատերազմից հետո Ստեփանակերտն էր վտանգի տակ, և պայմաններն արդեն անսովոր ու ստիպողական էին։
Այս հարցի պատասխանը չունեն նրանք, որոնք իրենց դավադրություններով թուրքերի առաջխաղացմանն ակամայից օժանդակեցին և հիմա որպես առիթ են օգտագործում, որ Հայաստանում անկայունություն հրահրեն, որ պահանջեն Նիկոլ Փաշինյանի հրաժարականը և իրենք զավթեն իշխանությունը:
Հիմա ես դրանց՝ այդ ներքին թուրք-սելջուկներին, պիտի հիշեցնեմ թուրքիայի պետական ԹԷ-ՐԷ-ԹԷ հեռուստակայանի արաբերեն բաժնի լայն անդրադարձը Արցախի վերջին իրադարձությունների հետ կապված (աղբյուրը՝ Կիպրոսի «Ազատ խոսք» թերթի): Երեք մասնակիցների վերլուծությունից հստակ պարզ է դառնում, թե Արցախը կուլ տալու համար թուրքիան դիվանագիտական և ռազմական ինչպիսի՜ երկարատև ու հետևողական աշխատանք է կատարել: Իսկ ի՞նչ էին անում այն ժամանակների մեր տխրահռչակ, հանցագործ նախագահները: Մարդակեր ռոբիկը, որ հասցրել էր Հայաստանում միլիարդավոր դոլարներ թալանել, աֆրիկաներում առյուծների որսով էր զբաղված: Իսկ հանցագործ, թղթամոլ, թմրամոլ սեռժոն Բադեն-Բադենում մսխում էր Հայաստանի պետական բյուջեի փողերը՝ արյունաքամ անելով Հայաստանը, պատճառ դառնալով մեծ արտագաղթի:
Այդ մեկնաբանները բացահայտ հայտարարում էին, թե «Այս հաղթանակի մեջ թուրքիայի դերը ուղղակի առանցքային եղավ։ Այդ մե՛նք մարզեցինք ազերի բանակը, այդ մե՛նք այդ բանակը զինեցինք արդիական ռազմատեխնիկայով…»։
Այս ասելով՝ նրանք հպարտորեն հայտարարում են, թե այս ամենն արդեն գաղտնի պահելու կարիքը չունենք:
Ասեին-չասին՝ մենք բոլորս էլ գիտեինք այդ մասին: Եվ ի՞նչ են եզրակացնում այդ թուրք մեկնաբանները. «Եթե Հայաստանը փորձի չգործադրել ստորագրված համաձայնագիրը, շա՛տ ծանր հարված պիտի դրվի նրա գլխին թուրքի բռունցքով։ Այս մասին թող հայերը կասկած չունենան…»։
Հիմա՝ ամենաարտառոցն ասեմ, որ շատ կուզենայի, որ միտինգներով Փաշինյանի հրաժարականը պահանջող ներքին տականքները հասկանան, թե իրենք ինչքա՜ն նման են այդ թուրքերին, և թե իրենց այսօրվա այս սին պահանջները ինչպե՜ս են բխում թուրքերի շահերից: Հայաստանի օրինավոր քաղաքացիներ, պինդ բռնվեք, որ շատ վատ չզգաք՝ թուրքերի և Հայաստանի ներքին դավաճանների մտածողության այս նույնությունը տեսնելով: Այսպես, ուրեմն, այդ թուրք մեկնաբանները հեռուստակայանով հայտարարել են. «Փաշինյանը, ամենայն հավանականությամբ պիտի հեռանա իր աթոռից, և հայկական նոր կառավարությունը պէտք է լինի Թուրքիայի կողմից հովանավորյալ իշխանություն»:
Նիկոլ Փաշինյանի հրաժարականը պահանջող ներքին թշնամիներ, ներքին դավադիրներ, թուրքից էլ թուրք դավաճաններ, դուք, որ բարգավաճական եք կոչվում, կամ էլ վանեցյանական, կամ էլ դաշնակ ու լուսավորական, կամ էլ քաղաքական աղբանոցից գլուխներդ մի կերպ դուրս հանած նախկին հհկ-ական, հիմա հասկացա՞ք, որ դուք ընդամենը թուրքերի դրածո եք: Դուք ընդամենը թուրքերի կարգախոսի հլու-հնազանդն եք: Ձեզ ի՞նչն է միավորել՝ լափամաններդ կորցրած լինե՞լը, պաշտոնապաշտությո՞ւնը, կամ թե այն ներքին նախանձն ու չարությունը, որ ժողովուրդը ձեզանից մի կերպ ազատվել ու առանց ձեզ մեր երկիրը օրինավոր երկիր է ուզում դարձնել: Մնում է, որ թուրքերին հարցնեք, թե՝ ձեր շարքերից ո՞վ է լինելու Հայաստանի ձեր հովանավորյալ վարչապետի թեկնածուն:
Կհարցնեք, անշուշտ, եթե ձեր դավաճան քայլերը հուժկու հարված չստանան զտարյուն հայերի կողմից:
Անեծք ձեզ, որ հայ կոչվելու իրավունք անգամ չունեք:
Նզովք ձեզ, որ Հայաստանից ուզում եք դուրս մղել ժողովրդավարությունը, որը, տասնամյակների հալածանքներից հետո, 2018-ին հազիվ հաստատվել է մեր երկրում:
…Երեկ ուրախությամբ արձանագրեցի, որ Ֆրանսիայի Սենատն ընդունեց Արցախի անկախությունը ճանաչող բանաձևը։ Չեմ կասկածում, որ Ֆրանսիայի նախագահ Մաքրոնի սրտովն է այն, և, երևի, շուտով Ֆրանսիան պաշտոնապես կճանաչի Արցախի անկախությունը: Դրան կհաջորդի՞, թե՞ կնախորդի Հայաստանի կողմից Արցախի ճանաչումը, չգիտեմ, բայց հաստատ գիտեմ, որ Արցախի միջազգային ճանաչումն արդեն մեկնարկում է:
Իսկ հիմա մեր երկիրը ապրում է չափազանց ծանր ժամանակներ, ու մեր այս երկիրը սիրող յուրաքանչյուր ազնիվ հայ պիտի տրամադրված լինի համախմբված ու նվիրումով հաղթահարելու այդ դժվարությունները: Այդ ճանապարհը հաղթահարելի է ներքի՛ն համերաշխությամբ, Հայրենիքին նվիրվածությամբ: Սա գիտակցենք այսօր ու շարունակենք սատարել մեր վարչապետ Նիկոլ Փաշինյանին:
Ա՛յս հավատով՝
ԱԼԻՍ ՍՈՂՈՄՈՆՅԱՆ