Սերժ Սարգսյանը դե՞մ է հայ ռազմագերիներին ու Ղարաբաղյան հակամարտությանը վերաբերող ԵԽԽՎ հայանպաստ բանաձևին…
Երեկ շատերը խոսեցին անձնապես Հայկ Մամիջանյանի՝ դեմ քվեարկելու մասին՝ մոռանալով, որ Մամիջանյանն ԱԺ խմբակցության և քաղաքական թիմի ներկայացուցիչ է ու չէր կարող նման քվեարկություն անել առանց քաղաքական թիմի հետ համաձայնության։
Արձանագրենք, որ ԵԽԽՎ-ի ընդունած բանաձևին, որում անդրադարձ կա թե՛ մեր ռազմագերիներին, թե՛ ղարաբաղյան հակամարտությանը և թե՛ Հայաստանի ժողովրդավարական ձեռքբերումներին, համապատասխանաբար դեմ են քվեարկել նաև Արթուր Վանեցյանը, Տարոն Մարգարյանը, Աննա Մկրտչյանը, Հայկ Մամիջանյանը, Թագուհի Թովմասյանը և Տիգրան Աբրահամյանը։Բանաձևին ըստ էության դեմ է արտահայտվել նաև Սերժ Սարգսյանը, ում ղեկավարած քաղաքական ուժն էլ հենց ներկայացնում է Մամիջանյանը։
Համենայն դեպս, այս պահին այդպես են վկայում խայտառակ քվեարկությանը հետևած Սարգսյանի լռությունը և Մամիջանյանի հաստատումը, թե ինքը ճիշտ է արել, որ դեմ է քվեարկել։