Մինչև 1949թ. Սևանա լիճը սառցակալում էր 5-15 տարին մեկ անգամ (1890, 1905, 1921, 1926, 1937, 1949թթ.):1949թ. հետո` 1-7 տարին մեկ անգամ (1950, 1954, 1957, 1959, 1964, 1968, 1972, 1976, 1980, 1982, 1983, 1985, 1986, 1987, 1988, 1989, 1990, 1992, 1993, 1997, 2000, 2007, 2008, 2012թթ.):
Ամենաերկար սառցածածկույթ պահպանվել է 1972թ.` մոտ 85 օր, առավելագույն հաստությունը՝ 40-45սմ:Սևանա լճի համատարած սառցակալումը ջրավազանի համար ունի և՛ դրական, և՛ բացասական կողմեր: Դրականն այն է, որ սառցածածկի պայմաններում գրեթե բացակայում է գոլորշացումը, որը փետրվար ամսին օրական միջին հաշվով կազմում է 1,1 մլն խմ ջուր: Իսկ բացասական կողմերից նշվում է այն, որ լճի վրա առաջացած մակերևութային սառույցի պատճառով պակասում է թթվածնի քանակությունը:
Վերջին անգամ Սևանա լիճը մասսայական սառցակալել է 2017թ.՝ փետրվարի 3-ից Մեծ Սևանում ձևավորվել է համատարած սառցածածկ, իսկ Փոքր Սևանը սառցապատ է եղել մասամբ (80-90%), սառցի հաստությունը հասել է 10-15 սմ:Լուսանկարի վերին հատվածը կատարվել է երեկ՝ Մեծ Սևանի ափամերձ հատվածում:#սեր_Սևան
Ջրային ռեսուրսների կառավարման մասնագետ, Ջրային կոմիտեի աշխատակից` Սասուն Միրոյան