Հրապարակախոս Գագիկ Քամալյանը ֆեյսբուքյան իր էջում գրել է․
Հայաստանում կար ժամանակներ, երբ ազատ լրատվություն ստանալու համար գործում էր ընդամենը մեկ-երկու տպագիր մամուլ, եւ «Ազատության» ռադիոկայանին տրամադրվելիք մեկ ժամյա եթերը, որը հեռարձակվում էր երկոյան յոթից ութը։
Եթե տարվա մեջ մեկ-երկու անգամ հաջողվեր հեռուստատեսային եթերներում տեսնել որեւէ ընդիմադիր գործիչի, դա արդեն մեծ անակնկալ կարելի էր համարել։
Տեղեկատվական այդ տոտալ վերահսկողության հեղինակները այսօր խոսում են պետական արժեքներից, խոսքի ազատությունից, հայրենիքի փրկությունից, եւ որ ամենասարսափելին է, խոսում են մարդկային բարձր արժեքներից։
Սիրելի երիտասարդներ ջան, այն, ինչի միջով անցավ մեր սերունդը, երբեք չպետք է թույլ տաք որ կրկնվի։ Քաղաքական ազատություններ կոչվածը պետք է պաշտպանեք ատամներով, որ ձեզ հետայսու չճնշեն զենքով, փողով, մնացած իշխանական լծակներով։
Թույլ չտաք ձեզ մոլորեցնեն պարտված պատերազմով, գործող իշխանության ապիկարությամբ, կեղծ հայրենասիրական լոլոներով, այդ ամենի հետեւում այն նույն բանդան է կանգնած, որը մեկ տասնամյակ առաջ իմ նման ակտիվ երիտասարդների վրա զենք էր պահում, եւ չկասկածեք, որ նույնը կանեն նաեւ ձեզ հետ։ Մենք չնահանջեցինք, կռիվ տվեցինք, ճիշտ է քիչ էինք, բայց հաստատակամ էինք, արդյուքնում առանց վարանելու կարող ենք ասել, որ ծնեցինք 2018թվականի սերունդին։ Այնպես որ, դուք եք Հայաստանի ներկան ու ապագան, չխռովեք Հայաստանից, այն վիրավոր է, բայց կանգուն է, եւ համոզված եղեք, որ ձեզանով այն կրկին նոր մակարդակի վրա դուրս կգա։