Հրապարակախոս Գագիկ Քամալյանը ֆեյսբուքյան իր էջում գրել է․
«Փրկիչների » շրջապատում մնացած նախկին օլիգարխներից շատերը, առանց կասկածի, այս րոպեների ընթացքում ճանապարհ են ման գալիս, որ հավատարմության երդում տան Նիկոլ Փաշինյանին։ Նրանցից ոչ մեկը չի ցանկանա մնալ մի նավում, որի ապագան գնալով էլ ավելի անորոշ է դառնում, իսկ նժարին շատ բան կա դրված։
Քաղաքական դաշտում նոր վերադասավորումների ժամանակ է գալիս, եւ շատ հավանական է, որ խորհրդարանում ընդիմադիր խմբակցությունները կպառակտվեն։
Այս ամենի մեջ դրականը այն է, որ Նիկոլ Փաշինյանի դեմ հնարավոր կլինի ձեւավորել քաղաքական ընդիմություն, այլ ոչ թե մաֆիոզական, որից այդքան զգուշանում է հայաստանյան հասարակությունը։